“Tumau e tūaga pule tonuhia, malolō ke fakaohooho ke he atihakeaga tūhokohoko ha Niue
Secured sovereignty, thrive in development and sustainability of Niue”
Kua uiina atu a koe ke kitekite fakamakutu atu ke he kakano he Tāoga Niue mo e ko e ha ne fakatū ai he tau 2004. Ko e tau fakailoaaga nai kua fita nī he fakailoa ki lalo hifo he Website fakamua he Tāoga Niue ne fakatupe he Matakau UNDP ma e magahala 2005 ke hoko atu ke he tau 2010. Fakakatoatoa e tauteaga na he mahina Tesemo 2010. Kua lahi e fakaaue ke he tau lagomatai kua foaki mai he kau gahua RockET Systems ko e taha pulotu gahua ke he tau matagahua pehe nai he motu mo e maeke a mautolu ke fakaholo atu ki mua e fekau nai.
Kua matutaki atu foki e RockET Systems e gahua ma e magahala ke hoko mai ke he tau 2014 nai ka e hā hā ai foki e loga he tau matolitoli kua nākai maeke ke fakamakona aki e matagahua. Hā kua lahi e manako ke fakatūmau e tau matutakiaga, kua manako foki e Faahi Gahua Tāoga Niue ke tālaga e Website foou nai, ti hanai kua maeke a tautolu ke liliu feleveia pehē nai.
Ko e agaaga he tauteaga nai ke fakapuloa laulahi ke he tau tagata po ke ko lautolu ne fia iloa mena ke he tau tāoga ha Niue tuga kua fakamaama ki lalo hifo he tau veveheaga ne fitu, ko e Vagahau Niue, Tau Tala Tū Fakaholo, Tau Koloa Tāoga ( Kaina Toka Koloa, Tanakiaga he Tau Tohi/ Pepa, Tau Matohiaga, Tau Koloa Totou Niue), Ko e Takatakaimotu, Tau Tufuga, Tau Aga mo e Tau Mahani mo e Fakafetuiaga (Tau Niue Nonofo Motu Kehe mo e Nonofo he motu mooli). Ko e manako ke fakailoa e tau mena tutupu i loto he Faahi Gahua hā ko e tūaga ke he fakamaopoopoaga, hakahakaaga po ke matakakiaga ke he tau na veveheaga he Tāoga Niue.
Kua taufetului tuai a tautolu ke leveki mo e puipui ha tautolu a tau tāoga hā ko e holofa he puke tagata ke he loga e tau atuhau ainei. Ko e taha he tau tāoga mahuiga na ko e Vagahau Niue, ko e utafekau fakamua ke he fakapuloaaga mo e puipuiaga ha tautolu a tau lotomatala tuai kua fitā nī he tohia ko e taha he tau vagahau kua tū hagahagakelea he lalolagi. Kaeke ke fakatumau e holoaga nai mo e nākai fai puhala ke taofi mo e leveki aki e tau lotomatala motu mo e tau tāoga ha Niue, to hoko atu a tautolu ke he tūaga hagahagakelea lahi mo e to lauia foki ha tautolu a tuaga pauaki ko e tau tagata Niue.
Ko lautolu ne tonuhia ke he Tāoga Niue, ko lautolu oti ne tutupu mai he tau tagata Niue ne nonofo i Niue, fakalataha mo lautolu ne nonofo he tau motu kehe ne manako ke fakatumau e matutakiaga mo e motu, mo e manako foki ke fakakite ha lautolu a tūaga ko e tagata Niue. Putoia ai foki e tau tagata motu kehe ne kua nonofo mau i Niue ne manako ke eke e tau aga he moui fakamotu mo moui foki ha lautolu.
Amanaki lahi a mautolu ke lagomatai he tauteaga nai ha tautolu a tau maamaaga hagaao ke he Tāoga Niue mo e maeke foki ke lagomatai e fakatumauaga he pule tonuhia mo e moui fakamotu he tagata Niue mo e malolō ke fakaohooho ke he atihakeaga tū hokohoko ha Niue.
Fakaaue lahi ke he haau a ahiahi mai mo e amanaki ke iloa falu a manatu mai ia koe he tau aho ne galo agaia.
We invite you to examine closely the meaning of Tāoga Niue and why it was formally established in 2004. The information contained in this site were previously made available under the original Tāoga Niue Website and funded by UNDP for period 2005 to 2010. The arrangement ended in December 2010 and work was continued by RockET Systems up to 2014.
However there are still ongoing problems which are beyond our control. As we would like to be continuously connected, the Department have structured this new site and now we are able to meet up with many of you again.
Our aim is to promote as widely as possible to our people or those who have special interests about Niue’s cultural heritage through the 7 core sectors (Vagahau Niue, History, Heritage Assets (Museum, Archives Genealogy, Library), the Environment, Arts and Crafts, Customs and Traditions and Cultural Bridging). We intend to update you with happenings in the Department who is the coordinating, facilitating and monitoring arm of Tāoga Niue and generate discussions on matters of common interest.
We are struggling to preserve our cultural heritage due to continuing and rapid population loss for many decades. Vagahau Niue, the main vehicle in the transmission and protection of our traditional knowledge is currently listed as one of the endangered languages in the world.Continuity of current trends and without legal measures to protect Niue’s intellectual property rights and other tāoga will put us in a severely endangered situation, posing also a threat to our identity as Niueans.
All Niue people and our descendants of Niue people, including those abroad who wish to retain their ethnic affiliation and identity, and non Niue people who wish to adopt Niue as their sovereign home, have the right to be stakeholders of Tāoga Niue.
We hope that through this media it will assist everyone in understanding Tāoga Niue as well as assisting us in securing the sovereign and ethnic standing of the people and thrive in the development and sustainability of Niue.
Thank you for visiting us, we look forward to hearing from you in future.